مُغزل ليل.. نص : رعــد المهنا/ ستوكهولم
وعيت..وشح ضواي وما جبرت الروح
مشيت وبُعْد خطوه وچذب مشّني
نعاني الدرب حيل الطيش بالراس
ومواكح غصب بالباب وگفني
ساومني العمه حَدّ العسر بالشوف
توّچيت عل خيط وظلمه شعلتني
ومن ينده صبح ويشيل خلگه الليل
يطگ بي الوداد لخاطره يوَدني
ومن تغفه الشمس كاروكهه أحديثات
طريّه المشتهات وخايفه تمسني
الترافه البلگمر يعكسها وجه الماي
يهزّ بيّ الحنين بطور المغني
وأغزل ليلهم حدّ الوسن بالعين
وأظل أترس شليلي لو جفو عني
وآنه وصفنتي وكل مشتهات الروح
ألملم مستحاتي بغفله تنثرني
يمرجحني الأمل ريشه أبمهب الريح
وأعلّي الساريات وما أمِلّ مني
انه الشلتك بروحي الى من
بسبب لّنك جزء مني الى من
شتظن تندار عيني و الى من
الى كل من جرحني وعال بيه
